Maxfiylik siyosati
Oxirgi yangilanish: 10.09.2026
Qanday ma’lumot yig‘iladi
Telefon raqami — ro‘yxatdan o‘tish va kirish uchun. SMS kod shu raqamga yuboriladi.
Ism va familiya — profil va sahiylar reytingi uchun. “Anonim” rejimi yoqilsa ism ko‘rsatilmaydi.
Profil rasmi — o‘zingiz yuklasangiz.
Joylashuv — namoz vaqtlari, qibla va yaqin masjidlarni ko‘rsatish uchun. Faqat qurilmada ishlatiladi va oxirgi koordinata qurilmada saqlanadi.
Ehsonlar tarixi — summa, sana va qaysi murojaatga yuborilgani.
Karta ma’lumotlari
Karta raqami va amal qilish muddati faqat sizning qurilmangizda, tizimning himoyalangan omborida (Keychain / Keystore) saqlanadi. To‘lov paytida ular to‘lov tizimi (Payme) ga uzatiladi va bizning serverimizda saqlanmaydi. Serverda faqat to‘lov tizimi bergan chek raqami qoladi.
Ma’lumot kimga beriladi
Ma’lumotlar uchinchi shaxslarga sotilmaydi. Faqat xizmat ishlashi uchun zarur hollarda uzatiladi: SMS yuborish uchun Eskiz.uz, to‘lovni amalga oshirish uchun Payme. Qonun talab qilgan hollarda vakolatli organlarga berilishi mumkin.
Saqlash muddati
Ma’lumotlar hisob faol bo‘lgunicha saqlanadi. Hisobni o‘chirsangiz profil, jamg‘arma va sessiyalar o‘chiriladi. Buxgalteriya talabiga ko‘ra to‘lov yozuvlari saqlanib qolishi mumkin.
Sizning huquqingiz
Istalgan vaqtda profilni tahrirlashingiz, “Anonim” rejimini yoqishingiz yoki hisobni butunlay o‘chirishingiz mumkin: ilovada Sozlamalar → Profil → Hisobni o‘chirish.